Великая Суббота. Христос в окружении ангельских сил. Плащаница из монастыря Преображения Господня, Метеоры, Греция. XIV в.

Вот и наступает Великая суббота, день квинтэссе́нции страданий Христа. Понимая, что это дни и у всех нас очень загружены скорбью проводов Христа в последний путь и радостью Его Воскресения, не буду отвлекать вас. Скажу только, что из рая никто не мог попасть в ад, где томились души Адама, Евы, всех праведников и грешников. В ад могли попасть только люди с Земли. Всем известен План по освобождению душ из ада, кроме грешников, порученный сыну Бога, ставшего, как нам известно, человеком, а затем и попавшего в ад. Сатана обрадовался, что получил праведника, не распознав в нем Бога сына, который по определению сильнее всех бесовских сил. Бого-человек Иисус сразился с вельзевулом, победил и вывел всех: Адама, Еву и праведников в рай, показав им и всем людям, путь к вечной жизни. Не буду пересказывать, прекрасно известные всем сюжеты, Святого писания. Не буду отвлекать вас от предстоящих забот. Хотел бы обратить внимание на образ Богородицы, через сердце которой прошли все эти страдания, предсказанные Ей в день Сретенья, Иосифом Богоприимцем и Анной пророчицей. Не забудем помолиться и помянуть роль Богородицы, во всем этом плане освобождения людей, от адских страданий, указанного Богом отцом и полностью, с великим смирением и старанием, выполненного Иисусом Христом. Спаситель, Бог отец, Богородица, спасибо Вам и слава Вам.

Помолимся Богородице.

Икона Богородицы Семистрельная. Именно со стелами, а не, как обычно, с мечами. Привет из моего дома.

Освобождение Адама, Евы и праведников Иисусом из ада, стоящего на обломках врат ада.

Икона Не рыдай мене Мати.

Поздравляю всех с Великой субботой. Спасибо, что мы были вместе во все дни Великого Поста. Благостного дня и сил для радостной встречи, Воскресшего Христа. Осталось ждать немногим больше суток.

СПЕЦИАЛЬНО НЕ СТАЛ РАЗМЕЩАТЬ ЭТОТ КАНОН ДНЁМ. ПОДУМАЛ, ЕСЛИ У КОГО-ТО БУДЕТ ВЕЧЕРОМ ВРЕМЯ ПРОЧИТАТЬ, ПОЙМЁТ ПОЧЕМУ Я ЗАХОТЕЛ ВЫДЕЛИТЬ РОЛЬ БОГОРОДИЦЫ В СЕГОДНЯШНЕМ СОБЫТИИ, ТОТ ОБЯЗАТЕЛЬНО ПРОЧТЁТ. СПАСИБО ВАМ. ХРАНИ ГОСПОДЬ.

Кано́н на плач Пресвяты́я Богоро́дицы

Песнь 1

Припев: Сла́ва Тебе́, Бо́же наш, сла́ва Тебе́.

Обе́шена я́ко ви́де на Кресте́ Сы́на и Го́спода Де́ва Чи́стая, терза́ющися, вопия́ше го́рце, со други́ми жена́ми стеня́щи глаго́лаше.

Ви́жу Тя ны́не, возлюбленное Мое́ Чадо и люби́мое, на Кресте́ ви́сяща, и уязвля́юся го́рце се́рдцем, рече́ Чи́стая: но даждь сло́во, Благи́й, Рабе́ Твое́й.

Сла́ва: Волею, Сы́не Мой, и Тво́рче, терпи́ши на дре́ве лю́тую смерть, Де́ва глаго́лаше предстоя́щи у Креста со возлю́бленным ученико́м.

И ны́не: Ны́не Моего́ ча́яния ра́дости и весе́лия. Сы́на Моего́ и Го́спода лишена́ бых: увы Мне, боле́зную се́рдцем! Чи́стая пла́чущи глаго́лаше.

Песнь 3

Стра́ха ра́ди иуде́йска Петр скры́ся, и вси отбего́ша ве́рнии, оста́вльше Христа́, Де́ва рыда́ющи глаго́лаше.

О Стра́шном Твое́м Рождестве́ и стра́нном, Сы́не Мой, па́че всех ма́терей возвели́чена бых Аз: но увы́ Мне, ны́не Тя ви́дяши на дре́ве, распала́юся утро́бою.

Сла́ва: Хощу́ утро́бу Мою́ на руку́, и́маже я́ко Младе́нца держа́х, с дре́ва прия́ти, веща́ше Чи́стая: но никто́же, увы Мне, Сего́ даде́.

И ны́не: Се Свет Мой сла́дкий, Наде́жда и Живо́т Мой Благи́й, Бог Мой, угасе́ на Кресте́, распала́юся утро́бою, Де́ва стеня́щи глаго́лаше.

Песнь 4

Со́лнце незаходя́й Бо́же Преве́чный, и Тво́рче всех тва́рей, Го́споди, ка́ко терпи́ши страсть на Кресте́? Чи́стая пла́чущи глаго́лаше.

Плачущи глаго́лаше Браконеиску́сная, ко благообра́зному: потщи́ся Ио́сифе к Пила́ту приступи́ти, и испроси́ сня́ти со дре́ва Учи́теля твоего́.

Сла́ва: Ви́дев Пречи́стую го́рце слезя́щу, Ио́сиф смути́ся, и пла́чася приступи́ к Пила́ту, даждь ми, вопи́я с пла́чем, Те́ло Бога Моего́.

И ны́не: Уя́звена Тя ви́дящи, и без сла́вы, на́га на дре́ве, Ча́до Мое утро́бою распала́юся рыда́ющи, я́ко Мати, Де́ва провещава́ше.

Песнь 5

Растерза́яся и рыда́я, и дивя́ся вку́пе с Никоди́мом снят Ио́сиф, и уцелова́в Пречи́стое Те́ло, рыда́ше, и стеня́ше, и поя́ Его́ я́ко Бо́га.

Прии́мши Его́ с пла́чем Ма́ти неискусому́жная, положи́ на коле́ну, моля́щи Его́ со слеза́ми, и облобыза́ющи, го́рце же рыда́ющи и восклица́ющи.

Сла́ва: Еди́ну наде́жду и живо́т, Влады́ко Сы́не Мой и Бо́же, во о́чию свет Раба́ Твоя́ име́х, ны́не же лишена́ бых Тебе́, сла́дкое Мое́ Ча́до и люби́мое.

И ны́не: Боле́зни и ско́рби, и воздыха́ния обрето́ша Мя, увы́ Мне! Чи́стая го́рце рыда́ющи глаго́лаше, ви́дящи Тя, Ча́до Мое́ возлю́бленное, на́га и уедине́на, и во́нями пома́зана мертвеца́.

Песнь 6

Ме́ртва Тя зрю, Человеколю́бче, оживи́вшаго ме́ртвыя, и содержа́ща вся, уязвля́юся лю́те утро́бою: хоте́ла бых с Тобо́ю умре́ти, Пречи́стая глаго́лаше: не терплю́ бо без дыха́ния ме́ртва Тя ви́дети.

Дивлю́ся зря́щи Тя, Преблаги́й Бо́же, и Преще́дрый Го́споди, без сла́вы, и без дыха́ния, и безобра́зна, и пла́чуся держа́щи Тя, я́ко не наде́яхся, увы Мне, ви́дети Тя, Сы́не Мой и Бо́же.

Сла́ва: Не изглаго́леши ли Рабе́ Твое́й слова, Сло́ве Бо́жий? Не уще́дриши ли, Влады́ко, Тебе́ ро́ждшую? глаго́лаше Чи́стая, рыда́ющи и пла́чущи, облобыза́ющи Те́ло Го́спода Своего́.

И ны́не: Помышля́ю, Влады́ко, я́ко ктому́ сла́дкаго Твоего́ не услы́шу гла́са, ни добро́ты лица́ Твоего́ узрю́, я́коже пре́жде Раба́ Твоя́: и́бо заше́л еси́, Сы́не Мой, от о́чию Мое́ю.

Песнь 7

Где, Сы́не Мой и Бо́же, благове́щение дре́внее, е́же Ми Гаврии́л глаго́лаше? Царя Тя, Сы́на и Бо́га Вы́шняго нарица́ше: ны́не же ви́жу Тя, Све́те Мой сла́дкий, на́га и уя́звена мертвеца́.

Избавля́яй боле́зни, ны́не приими́ Мя с Собо́ю, Сы́не Мой и Бо́же, да сни́ду, Влады́ко, во ад с Тобо́ю и Аз, не оста́ви Мене́ еди́ну, уже́ бо жи́ти не терплю́, не ви́дящи Тебе́ сла́дкаго Моего́ Све́та.

Сла́ва: С други́ми жена́ми мироно́сицами, рыда́ющи Непоро́чная го́рце, и носи́ма ви́дящи Христа́, глаго́лаше: увы Мне! Что́ ви́жу? Ка́мо и́деши ны́не, Сы́не Мой, а Мене́ еди́ну оставля́еши?

И ны́не: Изнемога́ющи и рыда́ющи Непоро́чная мироно́сицам глаго́лаше: срыда́йте Ми, и спла́читеся го́рце, Се бо Свет Мой сла́дкий, и Учи́тель ваш гро́бу предае́тся.

Песнь 8

Де́ву рыда́ющу Ио́сиф ви́дев, растерза́шеся весь и вопия́ше го́рько: ка́ко Тя, о Бо́же мой, ны́не погребу́ раб Твой? Каки́ми плащани́цами обвию́ Те́ло Твое́?

Па́че ума превзы́де стра́нное Твое́ виде́ние нося́щаго тварь всю Го́спода: сего́ ра́ди Ио́сиф я́ко ме́ртва Тя на руку́ свое́ю, и с Никоди́мом но́сит и погреба́ет.

Сла́ва: Стра́нную ви́жу и пресла́вную тайну, Де́ва вопия́ше Сы́ну и Го́споду: ка́ко в худо́м гро́бе полага́ешися, ме́ртвыя повеле́нием Возста́вляяй во гробе́х.

И ны́не: Ни от гро́ба Твоего́ воста́ну, Чадо Мое́, ни сле́зы точа́щи преста́ну Раба́ Твоя́, до́ндеже и Аз сни́ду во ад: не могу́ бо терпе́ти разлуче́ния Твоего́, Сы́не Мой.

Песнь 9

Ра́дость Мне николи́же отсе́ле прико́снется, рыда́ющи глаго́лаше Непоро́чная: Свет Мой и Ра́дость Моя́ во гроб за́йде. Но не оста́влю Его́ Еди́наго, зде же умру́, и спогребу́ся Ему́.

Душе́вную Мою́ язву ны́не исцели́, Ча́до Мое, Пречи́стая вопия́ше слезящи: воскресни́, и утоли́ Мою́ боле́знь и печа́ль, мо́жеши бо, Влады́ко, ели́ко хо́щеши и твори́ши, а́ще и погре́блся еси́ во́лею.

Сла́ва: О ка́ко утаи́лася Тебе́ есть бе́здна щедро́т! Ма́тери в та́йне изрече́ Госпо́дь: тварь бо Мою́ хотя спасти́, изво́лих умре́ти. Но и воскресну́, и Тебе́ возвели́чу, я́ко Бог небесе́ и земли́.

И ны́не: Воспою́ милосе́рдие Твое́, Человеколю́бче, и покланя́юся бога́тству ми́лости Твоея́, Влады́ко: созда́ние бо Твое́ хотя спасти́, смерть подъя́л еси́, рече́ Пречи́стая. Но воскресе́нием Твои́м, Спа́се, поми́луй всех нас.

Го́споди, поми́луй. (3 раза)

Го́споди Иису́се Христе́, Сы́не Бо́жий, моли́твами Пречи́стыя Твоея́ Ма́тере, поми́луй и спаси́ нас, яко Благ и Человеколю́бец. Ами́нь.